Zaoterdigmiddaag 8 fibberwari haet vorstin Raspedorius Junioris I (Britt Gubbels) ut nieje Jeugtrio van de Worteleschrabbers uitgeroope.

Oetgeroope is Prins Jur I van Boekholdt (12 jaar) met zien adjudanten Alize Steegh (12 jaar) en Daphne Klomp (14 jaar), zeej gaon de komende vastelaovend heerse euver de jeugd van ut Worteleschrabbersriék.

Prins Jur en adjudant Daphne zitte allebei op College Den Hulster in Venlo, adjudant Alize geit nao buurtcollege Agora in Panningen. Ut is ein sportief trio, Jur en Daphne doon beide aan atletiek beej Scopias en gaeve dao auk training. Alize speult badminton beej BC United.

De kins se alle 3 wakker make veur heerlik Italiaans aete; of ut noow eine pizza is of spaghetti.

Als se vruugs wat leuk is aan de vastelaovend zegge ze alle 3: “alles”!

Zeej gaon dit jaor veurop onger eur motto:
“Jonk of ald, de Vastelaovend is waor ik van hald!”